هيا نتعلم لغة القرآن

من طرف **kokyway** السبت 19 مايو 2007, 6:37 pm

بسم الله الرحمن الرحيم
كلنا اخدنا عربي في المدرسة
بس مش كلنا كنا بنحب مادة العربي
عشان النحو
وده فاعل وده مفعول
وده مرفوع وده منصوب
وكل الكلام ده
وكل اللي كره العربي كرهه لاسباب عنده
زي المدرس مثلا
او طريقة التدريس
او المنهج
او وقت وتوزيع الحصص
او اسباب تانية
بس الغريب والغريب جدا
ان كل ده كان مقصود
ومقصود ان كل طالب يدرس العربي ويكرهه
وفعلا نجحوا في كده
المهم
لو سالنا نفسنا
اعظم امالنا واحلامنا اننا ندخل الجنة صح ؟
يا ترى اهل الجنة هيتكلموا اي لغة؟
دا العالم مليان لغات
اهل الجنة باذن الله هيتكلموا لغة عربية
بس مش باللهجة بتاعتنا دي
اللغة العربية الفصحى
طيب
سؤال تاني
كلنا بنقول ونفتخر باننا بنحب النبي عليه الصلاة والسلام
طيب اللي يحب حد مش يقلده ويشوف هوا كان بيتكلم ازاي ويتكلم زيه ؟
يا ترى كان بيتكلم ازاى؟
برضه باللغة العربية الفصحى

السؤال التالت
اعظم معجزة للنبي صلى الله عليه وسلم هيا ايه؟
القران الكريم
نزل باي لغة ؟
برضه باللغة العربية الفصحى

يبقا حب اللغة العربية الفصحى لابد يكون في قلب كل مسلم ومسلمة

وكل مسلم لابد يتعلم اللغة دي لان ضياعها ضياع للدين
فالقران بالفصحى
والسنة بالفصحى
والله ساعات الواحد يقرا كلام بالعربي ويكون زي الهندى بالظبط
عاوز مترجم يترجمله

طولت عليكم
في المقدمة
بس اللي عاوز اختم بيه
فيه ناس كانت عندها لغة مااااااااااااااتت من الاف السنين
حبوا يعملوا لنفسهم دولة
جمعوا نفسهم من كل حته في الدنيا
مفيش بينهم لغة تفاهم
كل واحد بيتكلم لغة
واغتصبوا ارض
وطردوا وقتلوا وشردوا شعب
وقرروا
محدش يتكلم لغته الاصلية
اتعلموا اللغة اللي ماتت من الاف السنين
واحيوها تاني
اظن ده يشعرنا كلنا بايه
سايب لكم تعليقات

فلو حبينا نتعلم اللغة العربية
باذن الله نبدا هنا

من طرف الباشا الثلاثاء 05 يونيو 2007, 9:54 am

هيا نتعلم لغة القرآن

هيا نتعلم لغة القرآن

رد: هيا نتعلم لغة القرآن